Karbala Wale

About Us

Karbalawale kisi tarruf ke mohtaj nahi hai, har saheb e ilm jaanta hai ke 61hijri 10 moharram ko imam e mazloom Hazrat Imam Hussain (as) aur unke kunbe ne deen e islam ko kaise bachaya hai, Karbalawalo'n ne khud bhooke pyaase rehkar islam ki kheti ko apne lahu se aisa seencha hai ki kisht e Islam hamesha leh lahati rahegi, Karbalawale apni qurbani se agar deen e Islam ko na bachate tho sari duniya me deshatgardi ka khanoon aisa nafiz hota ki insaniyat dam tod chuki hoti Karbalawalo'n ne azeem musibato'n ke alam me aisi aisi jagaho'n par Khuda ka sajda kiya agar koi dusra hota tho Khuda ka inkaar kar baithta karbalawalo'n ki yaad karbalawalo'n ka gham deen e Islam ka sabse azeem sarmaya hai, karbalawalo'n se mohabbat karne me kisi mazhab o millat ki koi qaid nahi jiske dil me insaniyat se pyaar hoga wo chahe jis mazhab ka ho karbalawalo'n se usko pyaar hoga, Karbalawalo'n ki yaad e gham me ankho'n se baha har asoon marefat e Khuda ka aisa purnoor moti hai jiski qeemat roz e mehshar ambiya e kiraam bhi na bata sakenge akhir kaar Karbalawalo'n ke sardar Imam e mazloo Hazrat Imam Hussain (as) ki madar Janab e Fatima Zehra (sa) se jab qeemat e ashk e aza puchi jayegi tho wo kam se kam qeemat bhi jannat qaraar dengi jise Khuda fouran qabool farmayega.

Hamara maqsad karbalawalo'n ka zikr Nohe, Soz, Marsiye, manqabat ke zariye duniya ke ghar ghar me pohonchana hai.

Admin
Syed Jafar Ali